1. உத்தரப் பிரதேசத்தில் கோவர்த்தன விரதம்:

உத்தர பிரதேச மாநிலத்தில் தீபாவளியை முன்னிட்டு கோவர்த்தன வழிபாடு மேற்கொள்ளப்படுகிறது. இந்த நாளில் அவர்கள் கிருஷ்ண பகவானை நினைத்து கோவர்த்தன விரதம் இருந்து வழிபாடு செய்கிறார்.

அதாவது புராணங்களின்படி இந்திரனின் கோபத்தால் ஏற்பட்ட பெரும் மழையிலிருந்து கோகுல மக்களையும், கால்நடைகளையும் காப்பாற்றுவதற்காக ஸ்ரீ கிருஷ்ணர் கோவர்த்தன மழையை அவருடைய சுண்டு விரலால் தூக்கிப் பிடித்தார். இதனால் கோகுல மக்கள் மிகப்பெரிய ஆபத்திலிருந்து பாதுகாக்கப்பட்டன.

இந்த நிகழ்வை அவர்கள் நினைவு கூறும் வகையில் கோவர்த்தன பூஜை செய்கிறார்கள். குறிப்பாக விவசாயமும் கால்நடை வளர்ப்புகளும் நலமுடன் இருப்பதற்கும் விவசாயத்தில் செல்வ செழிப்புடன் மக்கள் உயர்ந்த நிலைக்கு செல்வதற்கும் கிருஷ்ணரை வழிபாடு செய்கிறார்கள். இந்த வழிபாடு நமக்கு விவசாயத்தையும் கால்நடைகளின் முக்கியத்துவத்தையும் எடுத்துரைப்பதாக அமைகிறது.

2. அமிர்தசரஸ் பொற்கோயிலில் லட்சக்கணக்கான தீபங்கள்:

தீபாவளி முன்னிட்டு பஞ்சாப் மாநிலத்தின் அமிர்தசரஸில் அமைந்துள்ள புகழ்பெற்ற பொற்கோயிலில் ஒளி அலங்காரங்கள் பார்ப்பவர்களை கவரும் விதமாக அமைகிறது. சீக்கியர்களின் மிகவும் புனிதமான வழிபாட்டு தலங்களில் இந்த ஆலயம் ஒன்றாகும்.

தீபாவளி திருநாளன்று பொற்கோயிலும் அதன் புனித குளமும் வண்ணமயமான மின் விளக்குகளாலும் பாரம்பரிய தீபங்களாலும் அலங்கரிக்கப்படுகின்றன. இலட்சக்கணக்கான தீபங்கள் ஒளிர்வது போன்ற பிரம்மாண்டமான கொண்டாட்டமான இந்த காட்சி பக்தர்களையும் சுற்றுலா பயணிகளையும் வெகுவாக கவர்கிறது.

சீக்கியர்களைப் பொறுத்தவரை இந்த நாள் பந்தி சோர் திவாஸ் என்ற சிறப்புப் பெயரிலும் கொண்டாடப்படுகிறது. குரு ஹர்கோபிந்த் சாஹிப் அவர்களுடைய விடுதலையையும் அவருடன் சிறையில் இருந்து விடுவிக்கப்பட்ட அரசர்களையும் நினைவு கூறும் வகையில் முக்கியமான நாளாக இது விளங்குகிறது.

ஒரு மனிதனுடைய மகிழ்ச்சி, செல்வம், காதல், செழிப்பு ஆகியவற்றை குறிக்கக்கூடிய கிரகமாக சுக்கிரன் இருக்கிறார். இவர் நவம்பர் 6ஆம் தேதி துலாம் ராசியில் இருந்து கன்னி ராசிக்கு வக்கிர பெயர்ச்சி அடைந்து உள்ளார்.

இந்த பெயர்ச்சி ஒரு சில ராசிகளுக்கு மிகப்பெரிய அளவில் முன்னேற்றத்தை கொடுக்கப் போகிறது. அவர்கள் யார் என்று பார்ப்போம்.

ரிஷபம்:

ரிஷப ராசிக்காரர்களுக்கு இந்த காலகட்டம் மிகவும் செழிப்பான காலகட்டமாக இருக்கப்போகிறது. இவர்களுக்கு சமுதாயத்தில் மதிப்பும் மரியாதையும் உயரும். பொருளாதார ரீதியாக நல்ல முன்னேற்றத்தை பெறப்போகிறார்கள்.

தேவைக்கேற்ப பணம் கைகளுக்கு வந்து சேர போகிறது. நீண்ட நாட்களாக திட்டமிட்ட காரியம் நிறைவேறும். வருமானம் அதிகரிப்பதோடு குடும்பத்திலும் மகிழ்ச்சி உண்டாகும்.

துலாம்:

துலாம் ராசிக்காரர்களுக்கு இந்த காலகட்டம் மிகவும் மகிழ்ச்சியான காலகட்டமாக மாறப்போகிறது. நினைத்த காரியங்கள் நடக்கும். பொருளாதார முன்னேற்றத்திற்கான வாய்ப்புகள் உருவாகும்.

சமுதாயத்தில் ஒரு சிறந்த அங்கீகாரமும் மதிக்கும் கிடைக்கும். குடும்பங்களில் ஏற்பட்ட விரிசல் விலகும். திருமண வாழ்க்கையில் மகிழ்ச்சி அதிகரிக்கும். கணவன் மனைவி இடையே நல்ல அன்பும் புரிதலும் உண்டாகும்.

கும்பம்:

கும்ப ராசிக்காரர்களுக்கு இந்த காலகட்டம் மிகவும் சாதகமாக இருக்கப் போகிறது. வருமானம் அதிகரிப்பதற்கான வாய்ப்புகள் உருவாகும். நீண்ட நாட்களாக நல்ல வேலைக்காக காத்திருப்பவர்களுக்கு புதிய வேலைவாய்ப்புகள் கிடைக்கும்.

குறிப்பாக அரசு வேலைக்காக முயற்சி செய்பவர்களுக்கு சாதகமான சூழல் அமையும். குடும்பத்திலும் வேலை செய்யும் இடங்களில் மகிழ்ச்சியான நிலை காணப்படும்.    

அந்த வகையில், தீபாவளி பண்டிகை அன்று என்ன செய்ய வேண்டும் என்பதை பற்றி பல்வேறு விஷயங்களை நம்மோடு பகிர்ந்து கொள்கிறார் சிம்மம் ரங்கநாதன் அவர்கள். அதைப் பற்றி பார்ப்போம்.

தீபாவளி அன்று அதிகாலை 5 மணிக்குள் எண்ணெய் தேய்த்து கங்கா ஸ்நானம் செய்வது மிகவும் விசேஷமானது. இது உடல் மற்றும் மனதை தூய்மைப்படுத்தி அந்த பண்டிகையை வரவேற்க தயாராக இருப்பதை குறிக்கிறது. தீபாவளி அன்று சூரிய உதயத்திற்கு முன்பாக குளிப்பதே சிறந்தது என்று சொல்கிறார்கள்.

அதோடு, தீபாவளி என்பது வெறும் கொண்டாட்டம் மட்டும் பார்க்க கூடாது. அது தீமைகளை போக்கி ஆன்மீக வெற்றியை அடைய ஒரு முக்கிய நாளாகவும் இருக்கிறது.

தீபாவளி அன்று பட்டாசு வெடிப்பது என்பது மகிழ்ச்சியின் வெளிப்பாடாக இருந்தாலும் தீபாவளி என்பது ஒரு நன்மை தீமையை வென்றதை கொண்டாட கூடிய ஒரு வழியாகவும் கருதப்படுகிறது. மேலும், தீபாவளி என்று என்ன செய்ய வேண்டும் என்ன செய்யக்கூடாது என்று பல்வேறு விஷயங்களை இந்த காணொளியில் பார்த்து தெரிந்து கொள்வோம்.   

பொதுவாகவே, எண்ணெய் தேய்த்து குளிப்பது என்பது நமக்கு பலவிதமான நன்மைகளை உடலுக்கும் மனதிற்கும் வழங்குகிறது.இருப்பினும் எண்ணெயை நாம் அபசகுனமாகவே பார்ப்பது உண்டு. அதுவும் ஒரு கொண்டாட்டமான நாட்களில் தலைக்கு எண்ணெய் வைப்பது கிடையாது.

ஆனால், தீபாவளியான ஒரு சிறப்பு பண்டிகை தினத்தில் தலைக்கு எண்ணெய் தேய்த்து குளிப்பதற்கு உரிய காரணம் என்ன தெரியுமா? அதை போல் எண்ணெய் தேய்த்து குளிப்பதனால் நமக்கு என்னென்ன நன்மைகள் கிடைக்கிறது? எண்ணெய் தேய்த்து குளித்த பிறகு நாம் செய்யக்கூடாத தவறுகள் என்ன என்பதை பற்றி பார்ப்போம்.  

தலைக்கு எண்ணெய் தேய்ப்பது பின்னால் இருக்கும் சாஸ்திரம்:

ஒருவர் எண்ணெய் தேய்த்து குளிப்பதற்கும் ஒரு உகந்த நாள் இருக்கிறது. அதாவது ஞாயிற்றுக்கிழமையில் எண்ணெய் தேய்த்து குளித்தால் மன வருத்தத்தையும், திங்கட்கிழமை புத்துணர்ச்சியும், செவ்வாய்க்கிழமை உடல்நல குறைவையும், புதன்கிழமை செல்வத்தையும், வியாழக்கிழமை உடல் நலத்தையும், வெள்ளிக்கிழமை அதிக செல்வ வளத்தையும், சனிக்கிழமை விரும்பிய விஷயத்தை அடைவதையும் கொடுப்பதாக சாஸ்திரங்கள் சொல்கிறது.

அப்படியாக, தீபாவளி பண்டிகையன்று எண்ணெயில் லட்சுமி தேவியும், தண்ணீரில் கங்காதேவியும் இருப்பதாக ஐதீகம். அதேபோல், விஷ்ணு புராணத்தில் ஒரு வரலாறு இருக்கிறது. நரகாசுரனுடன் விஷ்ணு பகவான் போரில் இருந்த நேரத்தில் அரக்கர்கள் லட்சுமி தேவியை கவர்ந்து செல்ல முயற்சி செய்கிறார்கள்.

உடனே லட்சுமி தேவி பகவான் போர் முடிந்த திரும்பும் வரை எரிந்து கொண்டிருந்த ஒரு தீபத்தில் மறைந்து விட்டதாக விஷ்ணு புராணம் சொல்கிறது. மேலும், இந்த புண்ணிய தினத்தில் தான் பாற்கடலில் தோன்றிய திருமகளை நாராயணன் திருமணம் செய்து கொண்டார்.

அப்போது தேவர்களுடன் எமதர்மராஜனும் பணிந்து போற்றினார். மேலும். இதை பார்த்த லட்சுமி தேவி எமதர்மராஜாவிடம் இந்த பண்டிகையை முறையாக கடைப்பிடிப்பவர்கள் வீட்டில் என்னுடைய உத்தரவு இல்லாமல் நீ பிரவேசிக்க கூடாது என்று ஒரு உத்தரவு போடுகிறாள். லட்சுமிதேவி உடைய உத்தரவை எமதர்மராஜன் ஏற்றுக்கொள்கிறார். 

 எண்ணெய் தேய்த்து குளித்த பின்பு செய்யக்கூடாதவை :

தீபாவளி என்று கண்டிப்பாக எல்லோரும் நல்லெண்ணெய் தேய்த்து குளிப்பது அவசியம். இருப்பினும் அவர் அவர் உடல்நிலைக்கு ஏற்ப இதை செய்வதும் அவசியம். அந்த வகையில், காலையில் 5 மணி முதல் 7 மணி வரை நல்லெண்ணெய் தேய்த்து குளிக்க நல்ல நேரமாக இருக்கிறது.

மதியம் 12 மணிக்கு பிறகு நல்லெண்ணெய் தேய்த்து குளிப்பதால் நல்ல பலன் கொடுப்பதில்லை. அதேபோல், நல்லெண்ணெய் தேய்த்து குளித்த நாளில் கட்டாயமாக உறங்கக்கூடாது. தூங்கினால் அதற்குரிய பலன் கிடைப்பது இல்லை. காரணம், நலனைத் தேய்த்து குளித்து இருப்பதால் கண்களில் இருக்கக்கூடிய வெப்பம் வெளியேறிக் கொண்டிருக்கும். அப்பொழுது தூங்கினால் உடல் நலம் பாதிக்கும்.  

கங்கா ஸ்நானம் :

தீபாவளி அன்று நல்லெண்ணெய் தேய்த்து குளிப்பதால் கங்கா ஸ்நானம் என்று சொல்வதுண்டு. இதற்கு பெயர் எப்படி வந்தது தெரியுமா? அதிகாலையில் எழுந்து நல்லெண்ணெய் தேய்த்து தலை முழுகினால் நம்முடைய பாவமெல்லாம் கரைந்து விடும் என்பது நம்பிக்கை.

கிருஷ்ண பகவான் நரகாசுரனை அழித்த தினமே தீபாவளியாக நாம் கொண்டாடுகிறோம். அன்று சிவபெருமான் உலகில் இருக்கக்கூடிய நீர்நிலை அனைத்துக்கும் கங்கையின் புனிதத்தை வழங்குகிறார் என்பது ஐதீகம்.

இந்த ஐதீகத்தின் அடிப்படையில் நம் வீட்டில் உள்ள கிணறு குழாய் ஆகிவற்றில் வரும் தண்ணீரில் அனைத்தும் கங்கை நீராகவே பாவிக்கப்படுகிறது. இதனால் தீபாவளி என்று காலையில் நீராடுவதை கங்கா ஸ்நானம் என்று சொல்கின்றோம்.