ஜேர்மனியில் 1050 யூரோ மாம்பழம்! முருகா மீண்டும் மாம்பழ சோதனையா?
DHUSHI
ஜேர்மனிய ஸ்ரீ குறிஞ்சிக்குமரன் ஆலயத்தில் நடைபெற்ற மாம்பழத்திருவிழாவின் முடிவில், மாம்பழமொன்று ஏலத்தில் விடப்பட்டது.
மாம்பழ ஏலம்
தமிழர்கள் அங்காடிகளில் மாம்பழங்கள் பல விலைகளில் விற்பனைக்கு இருந்தாலும், ஜேர்மனிய ஸ்ரீ குறிஞ்சிக்குமரன் ஆலயத்தில் நடைபெற்ற மாம்பழத்திருவிழாவின் முடிவில், மாம்பழமொன்று 1050 யூரோக்களுக்கு ஏல விற்பனையாகியுள்ளது.
அதே சமயம், வவுனியாவில் உள்ள உக்குலாங்குளம் பிள்ளையார் கோவிலில் மாம்பழ ஏலத்தில் மாம்பழமொன்று ரூபா. 162,000 (500 யூரோ) விற்பனையாகியது.
அதே பகுதியிலுள்ள மற்றொரு கோவிலில் சமீபத்தில் நடந்த ஏலத்தில் ஒரு மாம்பழம் 95,000 ரூபாய் (300 யூரோ) விலைக்கு விற்கப்பட்டது.
1050 யூரோவுக்கு விற்பனை
இப்படியொரு நிலையில் ஜேர்மனி, கும்மெர்ஸ்பாக் ஸ்ரீ குரிஞ்சிகுமாரன் கோவிலில் நடந்த ஏலத்தில் தொடக்க விலை 25 யூரோவாக இருந்த மாம்பழம் இறுதியாக 1050 யூரோ விலைக்கு விற்கப்பட்டது.
இந்த முழு வருமானமும் கோவிலின் மேம்பாட்டுத் திட்டங்களுக்காக பயன்படுத்தப்படும் என நிர்வாகத்திலுள்ளவர்கள் தெரிவித்துள்ளனர்.
கோவில் மற்றும் சமூக நற்பணிகளுக்கும் நிதி திரட்டும் முகமாக இவ்வகையான ஏலங்கள் இலங்கையின் வட மாகாணத்தில் பல ஆண்டுகளாக நடைமுறையில் உள்ளன.
இப்படியான ஏலங்களில் கிராமவாசிகளும், புலம்பெயர் மக்களும் தொடர்ச்சியாக பங்கேற்கின்றனர்.
| ஆன்மீகம்/ஜோதிடம் குறித்த தகவல்களை பெற IBC பக்தி வாட்ஸ் அப் குழுவில் இணைந்து கொள்ளுங்கள். |
