2025 கீதா ஜெயந்தி எப்பொழுது? வீடுகளில் இந்த பூஜை செய்ய தவறாதீர்கள்

 இந்த கலியுகத்தில் கிருஷ்ண பரமாத்மா நம்முடன் இல்லாவிட்டாலும் நம்மளை வழி நடத்துவதற்காக கிருஷ்ண பகவான் உபதேசித்த பகவத் கீதை உள்ளது. பிற மனிதர்களால் நாம் துவண்டு போகும் பொழுதும், அதர்மம் தங்கள் கைகளை ஓங்கியபடியே இருந்தாலும் தக்க சமயத்தில் தர்மத்தை ஜெயிக்க வைக்க கூடிய கிருஷ்ண பரமாத்மா அருளிச் செய்த பகவத் கீதையால் தான் இன்று பலரும் நிம்மதியாக வாழக்கூடிய நிலை இருக்கிறது.

அப்படியாக ஒவ்வொரு ஆண்டும் கிருஷ்ண பகவான் அருளிச் செய்த கீதை உபதேசித்த தினத்தை கீதா ஜெயித்தியாக கொண்டாடுகிறார்கள். அப்படியாக இந்த 2025 ஆம் ஆண்டு கீதா ஜெயந்தி டிசம்பர் 1 ஆம் தேதி அன்று கொண்டாடப்படுகிறது. பொதுவாக ஜெயந்தி என்பது அவதார புருஷர்கள், மகான்கள் ஆகியோர் பிறந்த தினத்தை முன்னிட்டு கொண்டாடப்படக்கூடிய முக்கியமான வைபவமாகும்.

ஆனால் ஞானத்தை போதிக்கும் ஒரு நூலுக்கும் இத்தகைய அந்தஸ்து இருக்கிறது என்றால் அது கட்டாயம் பகவத் கீதைக்கு மட்டும் தான். மகாபாரதத்தில் குருசேத்திரப் போரில் தங்கள் சொந்தங்களுடன் போரிடுவதற்கு மிகவும் தயக்கம் காட்டிய அர்ஜுனனுக்காக ஸ்ரீ பகவான் கிருஷ்ணர் கீதா உபதேசம் செய்தார்.

காசிக்கு அடுத்த மயானம்- பலரும் அறியாத மதுரை தத்தனேரி சுடுகாட்டு காளி

அதாவது மார்கழி மாதத்தில் வளர்பிறை ஏகாதசி தினத்தில் தான் கிருஷ்ணன் பகவான் கீதை உபதேசம் செய்தார். அன்றைய நாளில் தான் கீதா ஜெயந்தி கொண்டாடப்படுகிறது. ஹரியானா மாநிலத்தில் உள்ள குருசேத்திரத்தில் ஜெயந்தி ஆனது ஐந்து நாட்களுக்கு மிக்க சிறப்பாக கொண்டாட கூடிய விழாவாகவே இருக்கிறது.

இந்த உலகத்தில் மக்கள் பிறந்து அழியும் நாள் வரை அவர்களை வழிநடத்தக்கூடிய அற்புதமான புனித நூல் என்றால் அது கட்டாயமாக மகாபாரதம் தான். குருசேத்திர போர்க்களத்தில் முதல் நாள் அன்று கௌரவர்கள் படைகளை பார்த்ததும் அர்ஜுனனுக்கு மிகுந்த குழப்பம் உண்டானது.

மகாபாரதம்: தவறு செய்தது தெய்வமாக இருந்தாலும் தண்டனை நிச்சயம்

அதாவது தங்களுடைய நெருங்கிய சொந்தங்களுடனும் தனக்கு வித்தைகளை கற்றுக் கொடுத்த குரு ஆகியோருடன் போரிட்டு அவர்களைக் கொன்றுதான் இழந்த ராஜ்யத்தை பெற வேண்டுமா என்று அவனுக்குள் மிகுந்த சிந்தனை ஓடிக்கொண்டிருந்தது.

இதனால் மிகவும் மனம் வருத்தம் அடைந்தான் அர்ஜுனன். அவனுடைய காண்டீவத்தைக் கீழே வைத்தவன், தேரோடியாக இருக்க கூடிய கிருஷ்ண பகவான் உடைய முகத்தை பார்க்கின்றான். அர்ஜுனன் மனதில் உள்ளதை அறிந்த கிருஷ்ண பகவான் அவனுக்கு உபதேசம் செய்ய தொடங்குகிறார்.

அதுவே பகவத் கீதை என்று பகவத் கீதையாக 18 அத்தியாயங்களில் 701 சுலோகங்களாக அமைந்து நம்மை இன்று வழிநடத்திக் கொண்டிருக்கிறது. மனிதர்கள் தங்களுடைய வாழ்வில் பேராசை மற்றும் அகங்காரம் காரணத்தினால் தர்மத்தை கடைபிடிப்பதற்கு தவறிவிடுகிறார்கள்.

அதனை எவ்வாறு கடைப்பிடித்து வாழ வேண்டும் தர்மத்தை மீறுபவர்கள் வாழ்க்கையில் என்ன நடக்கும் என்று தெளிவாக பகவத் கீதையில் சொல்லப்பட்டிருக்கிறது. பகவத் என்றால் "இறைவன்" கீதா என்றால் நல்லுபதேசம்.

இதற்கு இன்னொரு பொருளும் உண்டு கீதா என்ற சொல்லை வேகமாக சொல்லிக் கொண்டே வந்தால் தாகீ என்று மாறும் தாகீ என்றால் தியாகம் என்று பொருள். அதாவது நம்முடைய வாழ்க்கையில் சந்திக்கும் இன்ப துன்பங்களை இறைவனிடம் ஒப்படைத்து விட வேண்டும் என்பதே இதனுடைய பொருளாகும்.

அதாவது மனிதனை துறவு கொள்ளுங்கள், எல்லாவற்றையும் விட்டு விடுங்கள் என்பது கீதாவிற்குரிய ஆழமான பொருளாகும். குருஷேத்திர போர்க்களத்தில் அர்ஜுனன் அவனுடைய உற்றார், உருவினர்கள், குரு மீது அம்பு எழுத தயங்கிய நேரத்தில் தர்மத்தை காக்க அவர்களை அழிப்பதில் எந்த தவறும் இல்லை.

அதற்குரிய பலன்கள் என்னையே சேரும் என்று கிருஷ்ண பகவான் சொல்கிறார். எந்த செயலை செய்தாலும் அது இறைவனுக்கே அர்ப்பணித்த விட வேண்டும் என்பதே கீதையின் பொருளாக உள்ளது. எனவே தான் கீதை இந்துக்களின் ஐந்தாவது வேதமாக போற்றப்படுகிறது.

அப்படியாக கிருஷ்ண பகவான் அர்ஜுனனுக்கு கீதையை உபதேசித்த பிறகு அவன் எந்த எதிர்பார்ப்பு இல்லாமல் கஅவனுடைய கடமையை செய்ய தொடங்கினான். எதிர் திசையில் இருக்கும் கௌரவர்கள் மீது சரமாறியாக அம்புகள் எய்தான். கௌரவர்கள் வீழ்ந்து போனார்கள். மேலும் பகவத் கீதா ஜெயந்தி மார்கழி வளர்பிறை ஏகாதசி ஆகும்.

தென்பாரதத்தில் கார்த்திகை வளர்பிறை ஏகாதசிகையை கீதா ஜெயந்தியாக கொண்டாடுகிறார்கள். வாழ்க்கையில் மனிதன் எந்த பிறவியிலும் செய்த கர்மவினையால் அவன் துன்பத்தை சந்தித்துக் கொண்டு இருக்கவனாக இருந்தாலும் பகவத் கீதையை அவன் ஒரு முறை தொட்டு பாராயணம் செய்து விட்டால் அவன் மனமானது தெளிவு என்ற ஒன்றைத் தவிர வேறு எதற்கும் இடம் கொடுப்பதில்லை.

இறைவனுடைய அமுதவாக்காக வெளிவந்த பகவத் கீதையை நாம் இறைவனுக்கு சமமாக போற்றி வழிபாடு செய்ய வேண்டும்.

கீதாசாரம்:

எது நடந்ததோ, அது நன்றாகவே நடந்தது

எது நடக்கிறதோ, அது நன்றாகவே நடக்கிறது

எது நடக்க இருக்கிறதோ,அதுவும் நன்றாகவே நடக்கும்

உன்னுடையதை எதை இழந்தாய்?எதற்காக நீ அழுகிறாய்?

எதை நீ கொண்டு வந்தாய், அதை நீ இழப்பதற்கு?

எதை நீ படைத்திருந்தாய், அது வீணாவதற்கு?

எதை நீ எடுத்துக் கொண்டாயோ,அது இங்கிருந்தே எடுக்கப்பட்டது,

எதை கொடுத்தாயோ,அது இங்கேயே கொடுக்கப்பட்டது,

எது இன்று உன்னுடையதோ,அது நாளை மற்றொருவருடையதாகிறது

மற்றொரு நாள், அது வேறொருவருடையதாகும் இதுவே எனது படைப்பின் சாராம்சமாகும்.

இந்த கீதாசாரம் போதும் மனிதர்கள் தங்கள் வாழ்க்கையில் எதற்காக வருந்த வேண்டும் என்ற கேள்விக்கு விடை கிடைத்து விடும்.

ஆக கீதா ஜெயந்தி அன்று பகவான் ஸ்ரீ கிருஷ்ணருக்கும் கீதை நூலுக்கும் பூஜைகள் செய்து மலரட்டு வணங்கி நம்மால் இயன்றவரை பகவத் கீதையை அன்றைய தினம் பாராயணம் செய்ய வேண்டும். இவ்வாறு செய்யும் பொழுது கிருஷ்ண பகவான் அருள் கிடைத்து நம் வாழ்க்கையில் நன்மை உண்டாகும்.