பணத்தை தண்ணியாக செலவு செய்யும் ராசிகள்

ஒரு மனிதனின் அன்றாட வாழ்க்கைக்கு பணம் மிகவும் முக்கியம். நாம் பணம் சம்பாதிக்க எவ்வளவு கடினமாக உழைக்கின்றமோ அதை விட முக்கியம் சம்பாதித்த பணத்தை சேமிப்பது. ஆனால் இந்த சேமிப்பு என்பது எல்லோருக்கும் எளிதாக வந்து விடுவதில்லை. ஒரு சிலருக்கு பணம் வருவதும் தெரியாமல், போவதும் தெரியாத அளவிற்கு அவர்கள் அதிகமாக செலவு செய்து விடுவார்கள்.

அப்படியாக இதற்கு அவர்களுடைய ராசி நட்சத்திரம் அமைப்பும் ஒரு காரணமாக அமைந்து விடுகிறது. அந்த வகையில் பணத்தை எவ்வளவுதான் சேமிக்க வேண்டும் என்ற எண்ணம் இருந்தாலும் அவர்களால் சேமிக்க முடியாமல் தண்ணியாக செலவு செய்யும் ராசிகள் யார் என்று பார்ப்போம்.

காசிக்கு அடுத்த மயானம்- பலரும் அறியாத மதுரை தத்தனேரி சுடுகாட்டு காளி

ரிஷபம்:

சுக்கிர பகவான் உடைய ஆதிக்கத்தை பெற்ற ரிஷப ராசியினர் எப்பொழுதும் தாங்கள் பிறர் முன்னிலையில் மிகவும் சிறந்தவர்களாக இருக்க வேண்டும் என்று நினைப்பார்கள். தங்களிடம் பணம் இல்லாத சூழ்நிலையாக இருந்தாலும் ஆடம்பரமாக செலவு செய்து தங்களை பிரம்மாண்டமாக காண்பித்துக் கொள்ள வேண்டும் என்ற எண்ணம் இவர்களிடம் இருக்கும். அதே சமயம் இவர்கள் பணம் தீர்ந்து போன பிறகு அந்த இக்கட்டான நிலையும் கடந்து செல்லக்கூடிய ஒரு தன்மையை பெற்றிருப்பார்கள்.

மிதுனம்:

மிதுன ராசியினர் நண்பர்கள் மற்றும் சொந்தங்கள் வட்டத்தில் தாங்களே முதன்மை வகிக்க வேண்டும் என்ற ஒரு எண்ணம் இருக்கும். இவர்களுடைய சிந்தனை அனைத்தும் எப்பொழுதும் பிரம்மாண்டமாகவே இருப்பதை பார்க்க முடியும். அதே சமயம் இவர்கள் ஒரு பொருளை வாங்க செல்கிறார்கள் என்றால் மார்க்கெட்டில் இருக்கக்கூடிய நம்பர் ஒன் பொருட்களை தான் இவர்கள் காசு செலவழித்து வாங்கக்கூடிய நபராக இருப்பார்கள். இவர்கள் கடன் வாங்கவில்லை என்றாலும் இவர்கள் சேமித்த பணத்தை செலவு செய்து தங்களுடைய தேவைகளை பூர்த்தி செய்வார்கள்.

டிசம்பரில் காதல், வேலை கைக்கூடும் 4 ராசிகள் - உங்க ராசி என்ன?

கும்பம் :

சனி பகவானுடைய ஆதிக்கத்தை கொண்ட கும்ப ராசியினர் அவர்களுக்கு எப்பொழுதும் ஒரு தாழ்வு மனப்பான்மை மனதில் இருந்து கொண்டே இருப்பதை நாம் காண முடியும். அதாவது என்னதான் அவர்களிடம் நல்ல படிப்பு வசதி இருந்தாலும் இவர்களிடம் இருக்கக்கூடிய அந்த தாழ்வு மனப்பான்மையை போக்கிக் கொள்ள இவர்கள் ஆடம்பரமாக தங்களை காண்பித்துக் கொள்கிறார்கள். இவர்கள் பயன்படுத்தக்கூடிய பொருட்கள் அனைத்தும் மிகவும் சிறந்ததாகவும் அதிக விலை கொண்டதாகவும் இருப்பதை நாம் காண முடியும். அதே சமயம் இவர்கள் சேமிப்பதை காட்டிலும் தங்களுடைய பணத்தை இவர்கள் தங்கள் மகிழ்ச்சிக்காக செலவு செய்வதையே குறிக்கோளாக வைத்திருப்பார்கள்.