இலக்கை அடையும் வரை விடாமுயற்சியோடு போராடும் 3 ராசிகள்
இந்த வாழ்க்கையில் வெற்றி தோல்வி என்பது ஒரு மனிதனை நிர்ணயிக்காது என்றாலும், ஒரு சிலரால் வாழ்க்கையில் லட்சியம் இல்லாமல் வாழ முடியாது. காரணம் அவர்கள் ஏதேனும் செய்து அவர்கள் தங்களை நிரூபித்துக் கொண்டு இருக்க வேண்டும் என்று நினைப்பார்கள்.
இதற்கு அவர்களுடைய ராசி அமைப்பும் ஒரு காரணமாக இருக்கிறது. அப்படியாக பிறந்ததிலிருந்து சாதிக்க வேண்டும் என்று லட்சியத்தோடு வாழக்கூடிய ஒரு சில ராசிகள் இருக்கிறார்கள். இவர்கள் அந்த லட்சியத்தை அடையும் வரை விடா முயற்சி கொண்டு உழைத்துக் கொண்டிருப்பார்களாம். அவர்கள் யார்? எந்த ராசியினர் என்று பார்ப்போம்.
மேஷம்:
செவ்வாயின் ஆதிக்கத்தை கொண்ட மேஷ ராசியினர் எப்பொழுதும் எல்லா நேரங்களிலும் தங்களை உயர்த்திக் கொள்ள வேண்டும் என்ற சிந்தனை கொண்டவர்கள். இவர்கள் பொதுவான ஒரு வாழ்க்கையை வாழாமல் தங்கள் இந்த பூமியில் பிறந்ததற்கான ஒரு அர்த்தத்தை நிலைநாட்டி விட்டு செல்ல வேண்டும் என்ற தீர்க்கமான எண்ணம் வைத்திருப்பவர்கள். மேலும், இவர்களால் ஒரு மணி நேரம் கூட எதையும் யோசிக்காமல் உட்கார முடியாது. அந்த அளவிற்கு இவர்கள் மிகுந்த லட்சியவாதிகள்.
சிம்மம்:
சூரிய பகவானின் ஆதிக்கத்தை பெற்ற சிம்ம ராசியினர் எப்பொழுதும் தாங்கள் இருக்கும் இடத்தில் அவர்களே முதன்மை வகிக்க வேண்டும் என்ற எண்ணம் கொண்டிருப்பார்கள். அதாவது இவர்கள் ஒரு இடத்தில் இருந்தாலும் அல்லது அந்த இடத்தை விட்டு இவர்கள் விலகிச் சென்றாலும் அவர்களுக்கான அடையாளம் அந்த இடத்தில் நிலை நாட்ட வேண்டும் என்ற ஒரு எண்ணம் இருக்கும். அது மட்டும் அல்லாமல் காலத்தாலும் அழிக்க முடியாத ஒரு பெயரை அவர்கள் சம்பாதிக்க வேண்டும் என்ற ஒரு லட்சியம் கொண்டிருப்பார்கள்.
தனுசு:
குரு பகவானின் ஆதிக்கத்தை பெற்ற தனுசு ராசியினர் ஞானம், அறிவு என்று பிறரை வழிநடத்துவதில் மிகச் சிறந்தவராக இருப்பார்கள். ஆக இவர்களுக்கு இருக்கக்கூடிய ஞானத்தை இவர்கள் பிறருக்கு போதிக்க வேண்டும் அல்லது பிறருக்கு கற்றுக் கொடுத்து அவர்களை உயர்த்த வேண்டும் என்ற ஒரு எண்ணம் இவர்களுக்கு பிறப்பில் இருந்து இருக்கும். ஆக இவர்கள் தங்களுடைய அனுபவங்களை பிறருக்கு சொல்லிக் கொடுப்பதிலும் வழிநடத்துவதிலும் மக்களுக்காகவே வாழ்வதிலும் இவர்கள் முழு உழைப்பை போடக்கூடியவர்கள்.
| ஆன்மீகம்/ஜோதிடம் குறித்த தகவல்களை பெற IBC பக்தி வாட்ஸ் அப் குழுவில் இணைந்து கொள்ளுங்கள். |
