மன தைரியத்தை கொடுக்கும் சக்தி வாய்ந்த நரசிம்மர் மந்திரம்

பெருமாளின் அவதாரங்களில் ஒரே நாளில் தோன்றி மறைந்த அவதாரம் நரசிம்மர் அவதாரம்.அதாவது தன்னுடைய பக்தன் பிரகலாதன் அபய குரலுக்கு ஓடி வந்து காப்பற்றிய நரசிம்மர் அவரை வணங்க நமக்கு எந்த ஒரு துன்பமும் நெருங்குவதில்லை.

ஒரு மனிதனுக்கு நேரம் சரி இல்லை என்றால் தொட்டது எல்லாம் பிரச்சனையாக மாறும்.அந்த வேளையில் வீரனாகவே இருந்தாலும் மன வலிமை குறைந்தே காணப்படுவான்.அது தான் காலம் செய்யும் சூழ்ச்சியும் மாயமும்.

ஆனால்,எவன் ஒருவன் அந்த காலகட்டத்தில் மனம் தளர்ந்து போகாமல் இறைவனை மனதில் நிறுத்தி தன்னம்பிக்கையுடன் போராடுகிறனோ வெற்றி அவன் பக்கம்.அந்த வேளையில் எத்தனை மனிதர்கள் பக்க பலமாக இருந்தாலும்,அவர்களை தாண்டி நம்மை வழிநடத்த இறைவழிபாடு மிக அவசியம்.

அப்படியாக மிகவும் உக்கிர தெய்வமாக கருதப்படுபவர் நரசிம்மர்.ஆம்!காரணம் எங்கெல்லாம் அதர்மம் கையோங்கி தர்மத்தை அழிக்க நினைக்கிறதோ அங்கு எல்லாம் நரசிம்மர் அவதாரம் எடுப்பார்.இவ்வளவு சக்தி வாய்ந்த நரசிம்மர் அவரை முழுமனத்தாரா வணங்கி எந்த ஒரு காரியம் செய்ய நம்மை மீறி நாம் முன்னோக்கி செல்ல ஒரு சக்தி தூண்டுவதை பார்க்க முடியும்.

இது தான் நரசிம்மர் வழிபாட்டின் முக்கிய விசேஷமாகும்.ஏன்?கோழை என்று கருதி பின் தங்கியவரும் முன் நோக்கி வெற்றியை அடைய வழிவகுப்பவர் நரசிம்மர்.தர்மம் உங்கள் பக்கம் நிற்க அவர் கவசம் உங்களை காக்கும் என்பதில் எந்த ஒரு சந்தேகமும் இல்லை.

அந்த வகையில் நரசிம்மர் வழிபாட்டோடு சேர்ந்து அவருக்குரிய மந்திரங்கள் சொல்லி வழிபாடு செய்தால்,யார் உங்களை வீழ்த்த நினைத்தாலும் உங்கள் முன் அவர்கள் வீழ்ந்து போவார்கள்.நினைத்த விஷயத்தை சாதிக்க நமக்கு தூண்டுகோளாக இருப்பார்.

அவரை வணங்க மனதில் பயத்திற்கு இடமே இல்லை.ஆக,மனம் பலவீனமாகும் பொழுதும்,எங்கே தோற்று விடுவோமோ என்று பயந்து பின் தங்கும் பொழுதும் நரசிம்மரை மனதார நினைத்து சொல்லி வழிபட வேண்டிய மந்திரத்தை பற்றி பார்ப்போம்.

தனக்கு மிஞ்சியது தான் தானமும் தர்மமும்-இதன் உண்மை பொருள் தெரியுமா?

மந்திரம்

“உக்ரம் வீரம் மஹாவிஷ்ணும்
ஜ்வலந்தம் ஸர்வ தோமுகம்
ந்ருஸிம்ஹம் பீஷணம் பத்ரம்
ம்ருத்யும் ம்ருத்யும் நமாம்யஹம்”

எங்கு இருந்தாலும்,எந்த சூழலில் தவித்து கொண்டு இருந்தாலும் இந்த மந்திரத்தை சொல்லுங்கள்.பிறகு பிரபஞ்சம் நடத்தும் அதிசயத்தை பார்க்கலாம்.தர்மத்திற்கு வெற்றி நிச்சயம் என்பது அழிக்கமுடியாத உண்மை.ஆக,வருவதை தைரியமாக போராடி வெற்றி காண்போம்.