138 நாட்களுக்கு பின்; இயல்பு நிலையில் சனி - எந்த ராசிக்கு நல்லது?
சனி பகவான், கடந்த மார்ச் 29-ஆம் நாள் தொடங்கி மீன ராசியில் சஞ்சாரம் செய்து வருகிறார். இதனிடையே கடந்த ஜூலை 13-ஆம் நாள், வக்ர நிலையில் பயணிக்க தொடங்கினார்.
138 நாட்களுக்கு பின்னர் தற்போது நவம்பர் 28, 2025 வெள்ளிக்கிழமை தினமான இன்று வக்ர நிவர்த்தி அடைகிறார். மிதுன ராசியில் உண்டாகும் கேந்திர -திரிகோண ராஜயோகமும் இணைந்து குறிப்பாக சில ராசிகளுக்கு தனித்துவமான பலன்களை அளிக்க இருக்கிறார்.
மிதுனம்
வெற்றி உங்களை தேடி வரும். வெளிநாட்டில் பணியாற்றி வரும் நபர்கள், தங்கள் சொந்த நாட்டிற்கு திரும்பி - சுய தொழில் செய்யும் வாய்ப்பும் காணப்படுகிறது. வணிகம், வர்த்தம், வியாபாரம் செய்து வரும் நபர்கள் தங்கள் தொழிலை சர்வதேச அளவில் விரிவுப்படுத்தும் வாய்ப்புள்ளது.
விருச்சிகம்
செல்வத்தை குவிப்பதில் வெற்றி காண்பீர்கள், உங்கள் பொருளாதார நிலையில் மாற்றம் காணப்படுவதோடு, சமூகத்தில் உயரிய அந்தஸ்த்து பெரும் வாய்ப்பும் காணப்படுகிறது. கல்வித்துறையில் இருக்கும் நபர்களுக்கு எதிர்பார்த்த பலன் கிடைக்கும், கல்வித்துறையில் சாதிக்கும் வாய்ப்பும் கிடைக்கும்.
மகரம்
தொழில் வாழ்க்கையில் எதிர்பார்த்த நிதி ஆதாயங்கள் கிடைக்கும் வாய்ப்பும் காணப்படுகிறது. கடன் பிரச்சனைகளை முடிவுக்கு கொண்டு வருவீர்கள். பணியிடத்தில் சக ஊழியர்களின் உதவி கிடைக்கும், நண்பர்களின் உதவியுடன் பணிகளை விரைவாக முடிப்பதோடு, அலுவலகத்தின் சிறந்த ஊழியர் என பெயர் எடுக்கும் வாய்ப்பு உள்ளது.
