அதிகாலை 3 மணிக்கு முழிப்பு வருகிறதா? இந்த ரகசிம் தெரிந்து கொள்ளுங்கள்
இந்த பூமியில் மனிதர்களுடைய வாழ்க்கை என்பது அவர்களுடைய பிறப்பு இறப்பு இடையில் நிறைய அதிசயங்களையும் மர்மங்களையும் கொண்டு இருக்கிறது. அதாவது நம்மை வழி நடத்துவதற்காக இந்த பிரபஞ்சம் எப்பொழுதும் விழித்துக் கொண்டிருக்கிறது.
அது மட்டுமல்லாமல் நாம் பிறந்த அந்த வீட்டின் முன்னோர்களும் நம்மை வழிநடத்தி நம்முடைய வாழ்க்கையை சிறப்பாக அமைவதற்காக எப்பொழுதும் ஆசீர்வாதம் செய்துக் கொண்டிருக்கிறார்கள்.
என்னதான் நம்முடைய ஆன்மீகத் தேடலுக்கான விடைகள் அவ்வளவு எளிதாக கிடைக்கவில்லை என்றாலும் நிச்சயமாக அதன் அறிகுறியாவது நமக்கு தெரிந்து கொள்ள முடியும். அந்த வகையில் தான் ஒரு சிலருக்கு நன்றாக உறங்கிக் கொண்டிருக்கும் பொழுது அவர்களை அறியாமல் குறிப்பிட்ட ஒரு சில நேரங்களில் முழிப்பு தட்டிவிடும்.
அதிலும் குறிப்பாக அதிகாலை மூன்று முதல் நான்கு மணி அளவில் அவர்களுக்கு முழிப்பு ஏற்படுகிறது என்றால் கட்டாயமாக அவர்கள் ஒரு சில விஷயங்களை தெரிந்து கொள்ள வேண்டும். அதை பற்றி பார்ப்போம்.
இந்த அதிகாலை 3 மணி முதல் 4 மணி வரையிலான நேரத்தை தான் பிரம்ம முகூர்த்தம் என்று சொல்கிறார்கள். இந்த நேரம் ஆனது மிகவும் சக்தி வாய்ந்தது மற்றும் ஆன்மீக ரீதியாக நிறைய தொடர்பு கொண்டு உள்ளதாக சொல்லப்படுகிறது.
இந்த நேரங்களில் எவர் ஒருவர் கண் விழித்து தியானம் செய்கிறார்களோ அவர்களுக்கு வாழ்க்கையில் நல்ல பலன்களை அடைய முடியும் என்பது உண்மையாக இருக்கிறது.
அதாவது இந்த அதிகாலை நேரங்களில் அவர்கள் தியானம் செய்யும் பொழுது அவர்களுடைய நேர்மறை ஆற்றல் ஆனது அதிகரித்து எதையும் சாதிக்க கூடிய வல்லமை பெறுகிறார்கள். மேலும் இந்த காலகட்டங்களில் உங்களுக்கு முழிப்பு வருகிறது என்றால் உங்களுடைய ஆள் மனதில் இருக்கக்கூடிய கவலைகள் கொஞ்சம் கொஞ்சமாக குணமடைந்து கொண்டிருப்பதன் அர்த்தமாகும்.
உங்களுடைய மனதில் நீண்ட நாள் எண்ணத்திற்கான ஒரு விடை கிடைப்பதின் அறிகுறியாகும். இந்த நேரங்களில் நாம் எழுந்து குளித்துவிட்டு தியானம் செய்யும் பொழுது அல்லது வழிபாடு செய்யும் பொழுது நிச்சயம் நாம் நீண்ட நாள் தேடிக் கொண்டிருந்த வினாக்களுக்கான விடை கிடைக்கும்.
அது மட்டும் அல்லாமல் ஒருவருடைய உள்ளுணர்வு ஆனது ஒரு நல்ல நிலைக்கு செல்வதை நாம் காணலாம். இந்த நேரங்களில் நம்முடைய உள் மனம் சொல்வதை நாம் கவனித்து பார்க்கும் பொழுது நம் தேடுதலுக்கான விடை கிடைக்கும்.
அப்படியாக ஒருவருக்கு தினமும் நல்ல உறக்கத்திலும் அதிகாலை 3 மணி முதல் 4 மணிக்குள் கண் முழிப்பு ஏற்படுகிறது என்றால் அவர்கள் ஆன்மீக பாதைக்கு செல்ல தயாராகிக் கொண்டிருக்கிறார்கள் என்று அர்த்தம். அதைவிட அவர்கள் பிறப்பின் அர்த்தம் தெரிந்து கொள்ள இந்த பிரபஞ்சம் வழி நடத்துகிறது என்பதை அவர்கள் உணர்ந்து கொள்ளலாம்.
| ஆன்மீகம்/ஜோதிடம் குறித்த தகவல்களை பெற IBC பக்தி வாட்ஸ் அப் குழுவில் இணைந்து கொள்ளுங்கள். |
