தனக்கு வரும் தடைக்கல்லை படிக்கல்லாக மாற்றும் அசாத்திய திறமையைக் கொண்டுள்ள ராசியினரைக் குறித்து இந்த பதிவில் தெரிந்து கொள்வோம்.
ஜோதிட சாஸ்திரத்தில் சில ராசியினர்கள் தங்களது தடைகல்லை தகர்த்து படிக்கல்லாக மாற்றும் திறமை கொண்டவர்களாக இருப்பார்கள்.
மனித வாழ்க்கையில் ஏதாவது ஒரு காலக்கட்டத்தில் நிச்சயம் சோதனைகளை கடந்து தான் வருவார்கள். ஆனால் அதிலிருந்து எவ்வளவு வேகமாக நாம் வெளிவருகின்றோம் என்பது ஒவ்வொருவரின் திறமை மற்றும் முயற்சிகளைப் பொறுத்து இருக்கின்றது.
இந்நிலையில் மின்னல் வேகத்தில் தனக்கு வரும் தடைகளை படிக்கல்லாக மாற்றும் ராசியினரைக் குறித்து தெரிந்து கொள்வோம்.
மகரம்
மகர ராசியினர் ஒழுக்கத்தின் கிரகமான சனிபகவானால் ஆளப்படுகிறார்கள். அமைதியானவர்களாகவும், திட்டமிட்டும் செயல்படுவார்கள்.
இவர்கள் எவ்வளவு பெரிய தடையாக இருந்தாலும் எப்போதும் மேல்நோக்கி செல்வதுடன், அவர்களின் மன அழுத்தம் அவர்களை பயமுறுத்தாமல் துரிதமாக செயல்பட வைக்கின்றது.
இலக்குகளை நிர்ணயிப்பதற்கு முன் அதற்கான திட்டத்தை மேற்கொள்வார்கள். முதுகில் அதிக சுமை ஏற்படும்போது, அவர்கள் நொறுங்குவதில்லை, அதையே கவசமாக போன்று சுமக்கின்றார்கள். அதுவே சாதனையாளர்களாக மாற்றுகின்றது.
விருச்சிகம்
விருச்சிக ராசியினர் நெருப்பில் குதித்து தங்கமாக வெளிவரும் உறுதி படைத்தவர்கள். விருச்சிக ராசியினர் பொறுத்தவரையில் அழுத்தம் என்பது புதிதல்ல.
அதிக மன அழுத்த சூழ்நிலைகளில்தான் அவர்களின் உண்மையான திறமை வெளிப்படுவதை அறிந்தவர்கள். இவர்களின் தீவிர ஆர்வம் இவர்களின் தனித்துவமான நன்மையைத் தருகின்றது.
இவர்களுக்கு முன் வரும் தடைகள் மற்றும் சவால்கள் அனைத்தும் வாழ்க்கையில் உயர்த்தும் ஏணிகளாகவே இருக்குமாம்.
மேஷம்
தைரியத்தின் கிரகமான செவ்வாயால் ஆளப்படும் மேஷ ராசியினர்கள், சுறுசுறுப்பான ஆற்றல் மற்றும் அச்சமற்ற மனப்பான்மைக்கு பெயர் பெற்றவர்கள்.
மேலும் மன அழுத்தத்தில் இருக்கும்போது, இவர்களின் கவனம் மேலும் அதிகரிக்கின்றது. அழுத்தமான சூழலில் கூட அமைதியாக இருக்கும் இவர்கள், எவ்வளவு அமைதியாக இருக்கின்றார்களோ அவ்வளவு வேகமாக செயல்படுவார்கள்.
தோல்வியடைந்தாலும் அதை நினைத்து கவலைப்படாத இவர்கள், தொடர்ந்து முன்னேறி சென்று கொண்டே இருப்பார்கள்
கன்னி
அறிவு மற்றும் தகவல் தொடர்பின் கிரகமான புதனால் ஆளப்படும் கன்னி ராசியினர்கள், பிரச்சினைகளைத் தீர்க்கும், புத்திக்கூர்மையை அதிகம் செயல்படுத்துவார்கள்.
மற்றவர்கள் குழப்பமாக உணரும் சூழ்நிலைகளை, கன்னி ராசிக்காரர்கள் தங்கள் வெற்றிக்கான வாய்ப்புகளாக காண்கிறார்கள்.
ஒரு திட்டத்தினை பின்பற்றி செல்லும் போது, அது தோல்வி அடைந்தாலும், மாற்று திட்டங்கள் தயாராகவே வைத்திருப்பார்கள்.
கன்னி ராசிக்காரர்கள் அழுத்தத்தை ஒரு அச்சுறுத்தலாகப் பார்க்காமல், அதைத் தீர்க்கும் புதிராகவே பார்ப்பார்கள்.
| ஆன்மீகம்/ஜோதிடம் குறித்த தகவல்களை பெற IBC பக்தி வாட்ஸ் அப் குழுவில் இணைந்து கொள்ளுங்கள். |
