வாழ்க்கையில் ஒரு முறையாவது கட்டாயம் தரிசிக்க வேண்டிய திருச்சி கோயில்கள்

திருச்சி மாநகரம் தமிழ் நாட்டில் பரபரப்பான மாநகரத்தில் ஒன்று.திருச்சியை சுற்றிலும் சிறந்த கோயில்கள் அமைந்து இருக்கிறது.அதுவும் திருச்சியில் மலைக்கோட்டையம் ஸ்ரீ ரங்கம் தான் அதிகம் வருகை தரும் சுற்றுலா தலமாக அமைய பெற்ற சிறப்பு வாய்ந்த இடமாகும்.

இன்னும் திருச்சியில் நாம் சென்று தரிசிக்க வேண்டிய கோயில்கள் பட்டியல் அதிகம் உள்ளது.அங்கு வாழ்நாளில் ஒரு முறையாவது சென்று வழிபட நம் வாழ்க்கையில் சிறந்த மாற்றம் ஏற்படும்.நாம் இப்பொழுது திருச்சி மாநகரத்தில் அமைந்து இருக்கும் புகழ் பெற்ற கோயில்களும் அதனின் வரலாற்றையும் பற்றி விரிவாக பார்ப்போம்.

1.ரங்கநாதசுவாமி கோவில், ஸ்ரீரங்கம்

திருச்சி என்றாலே ரங்கன் தான் பிரபலம் அரங்கநாதனை காண பல கோடி மக்கள் பல இடங்களில் இருந்து தினமும் வருகை புரிகின்றனர்.இத்திருக்கோயிலின் இருபுறமும் கங்கையை விட புனித ஆறான காவேரி ஆற்றினால் சூழப்பட்ட திருநாவலந்தீவு என்ற தீவு பகுதியில் அமைந்துள்ளது.

வருடத்தின் அநேக நாட்களைத் திருவிழாக்களைக் கொண்ட மிகச் சிறப்புமிக்க திருக்கோயிலாகும். மேலும் ரெங்கநாதநாதன் கோயில் சுமார் 156 ஏக்கர் பரப்பளவில் பரந்து விரிந்து சிறந்த வழிபாட்டு தலமாக தமிழ்நாட்டில் விளங்குகிறது.

236 அடி உயரமுள்ள ராஜகோபுரம் (பிரதான கோபுரம்) உலகின் மிக உயரமான கோயில் கோபுரங்களில் ஒன்றாகும்.அதாவது இக்கோயிலில் 21 கோபுரங்கள் மட்டும் நேர்த்தியான நுழைவாயிலுடன் உலகின் சிறந்த கோபுரமாக புகழ் பெற்றது.

இத்திருக்கோயிலில் பாஞ்சராத்திர ஆகமம் பாரமேஸ்வர சம்ஹிதைபடி பூசை முறைகள் நடைபெற்று வருகிறது.மேலும்,இராம பிரானால் பூஜிக்கப்பட்ட திருவரங்கப் பெருமாள் விக்ரகம் எனப் பெருமை பெற்ற திருத்தலமாகும்.

சோழரின் மனைவியால் கட்டப்பட்ட சிவன் கோயில்

வழிபாட்டு நேரம்

காலை ம 7:30 AM-1:20 PM மற்றும் மாலை 4:00 PM-8:00 PM.

இடம்

ஸ்ரீரங்கம் தீவு, திருச்சிராப்பள்ளி, தமிழ்நாடு.

2. உச்சிப் பிள்ளையார் ராக்ஃபோர்ட் கோயில்

திருச்சி உச்சி பிள்ளையார் கோயில் மிகவும் பிரபலமான கோயில்.திருச்சி வருபவர்கள் கட்டாயம் இக்கோயிலின் விநாயகரை தரிசிக்க மறக்கமாட்டார்கள். திருச்சியில் உள்ள ராக்ஃபோர்ட் கோவில் வளாகத்தில் அமைந்துள்ளது.

85 மீ உயரத்தில் 273 அடி உயரத்தில் உச்சிக்குச் செல்லும் 344 படிகளுடன் கட்டப்பட்ட உச்சி பிள்ளையார் கோயில் பாறையின் மேல் அமைந்துள்ள விநாயகர் கோயிலாகும்.இக்கோயிலின் மலை மேல் நின்றால் காவேரி நதி, திச்சி நகரம் மற்றும் ஸ்ரீரங்கத்தின் அற்புதமான காட்சியைக் காணலாம்.

இந்த ராக் கோட்டை கோவில் 3 வெவ்வேறு கோவில்களால் ஆனது. மலையடிவாரத்தில் மாணிக்க விநாயகர் கோவில், நடுவில் தாயுமானசுவாமி கோவில் மற்றும் மலை உச்சியில் உச்சி பிள்ளையார் கோவில்.

வழிபாட்டு நேரம்

காலை 6 மணி முதல் 12 மணி வரை மற்றும் மாலை 4 மணி முதல் இரவு 8 மணி வரை

இடம்

தெப்பக்குளம், திருச்சி, தமிழ்நாடு.

3. ஜம்புகேஸ்வரர் கோவில், திருவானைக்காவல்

திருச்சியில் உள்ள பழமையான சிவன் கோயிலைகளில் ஜம்புகேஸ்வரர் திருவானைக்காவல் கோயிலும் ஒன்று.இக்கோயில் சுமார் 1,800 ஆண்டுகளுக்கு முன்பு கட்டப்பட்டது.'பஞ்ச பூத ஸ்தலங்களில்' ஒன்றாகவும்.

சுமார் 275 பாடல் பெற்ற ஸ்தலங்களில் இதுவும் ஒன்று என்பது குறிப்பிடத்தக்கது.அகிலாண்டேஸ்வரி அம்மன் இக்கோயிலில் அருள்மிகு ஜம்புகேஸ்வரரிடம் பாடம் எடுத்ததால் திருவானைக்காவல் கோயில் உபதேச ஸ்தலமாகவும் கருதப்படுகிறது.

புராணங்களின்படி பார்வதி தேவி அகிலாண்டேஸ்வரி தேவியின் அவதாரத்தில் திருவானைக்காவலில் தவம் செய்தார். தேவி காவேரி நதியின் புனித நீரை மட்டுமே பயன்படுத்தி ஒரு சிவலிங்கத்தை உருவாக்கி , அந்த லிங்கத்தை வெண் நாவல் மரத்தின் கீழ் வைத்திருந்தார்.

அவளது மனமார்ந்த வழிபாட்டை ஏற்றுக்கொண்ட சிவபெருமான், தேவியை தரிசனம் செய்து, சிவஞானத்தைப் பற்றிய பாடங்களைக் கூறினார். எனவே, திருவானைக்காவல் கோவில் 'உபதேச ஸ்தலம்'.கருதப்படுகிறது.

திண்டுக்கல் ஊரில் நாம் பார்க்க தவறிய முக்கியமான ஆலயங்கள்

வழிபாட்டு நேரம்

காலை 5:30 முதல் மதியம் 1:00 வரை & மாலை 3:00 மணி முதல் இரவு 8:30 மணி வரை

இடம்

அருள்மிகு ஜம்புகேஸ்வரர் அகிலாண்டேஸ்வரி கோயில், திருவானைக்காவல், திருச்சி - 620005  

4.சமயபுரம் மாரியம்மன் கோவில்,திருச்சி

மாரியம்மன் என்றாலே எல்லோருக்கும் திருச்சி சமயபுரம் மாரியம்மன் தான் முதலில் நினைவிற்கு வருவார்கள்.அவ்வளவு சக்தி வாய்ந்த கோயில்களும்.சமயபுரம் கோயில் நாடு முழுவதும் அமைந்துள்ள சக்தி கோயில்களில் மாரியம்மன் தேவியின் மிக முக்கியமான தலங்களில் ஒன்றாக கருதப்படுகிறது.

கோவிலின் தற்போதைய அமைப்பு 18 ஆம் நூற்றாண்டின் முற்பகுதியில் மன்னர் விஜயராய சக்கரவர்த்தியால் கட்டப்பட்டது என்றும் இருந்தாலும் இந்த கட்டிடம் கட்டப்படுவதற்கு பல நூற்றாண்டுகளுக்கு முன்பே அம்மன் உள்ளூர் மக்களால் வழிபட பட்டார் என்று சொல்லபடுகிறது.

ராஜ கோபுரம் அல்லது கோவிலின் பிரதான கோபுரம் பகல் நேரத்தில் பிரகாசமாக ஒளிரும் தங்கத் தகடுகளால் அலங்கரிக்கப்பட்டுள்ளது.

இக்கோயிலின் தனிச்சிறப்பு என்னவென்றால், பிரதான நுழைவாயிலில் இருந்து மூலவரைப் பார்க்க முடியும்.இது பெரும்பாலான கோயில்களில் காணப்படவில்லை.

ஒருவகையில், சமயபுரம் மாரியம்மன் கோயிலை 'பரிகார ஸ்தலம்' என்று அழைக்கலாம்,.ஏனெனில் அம்மன் நோய்களைக் குணப்படுத்தும் சக்தியாகக் கருதப்படுகிறார்.

உண்மையில், மக்கள் தொல்லை தரும் மனித உடல் உறுப்புகளின் சிறிய உலோகப் பிரதிகளை வாங்கி, குணப்படுத்துவதில் தெய்வீகத் தலையீட்டைப் பெற கோவிலுக்கு நன்கொடை அளிக்கிறார்கள்.

மேலும், பெரியம்மை, சின்னம்மை, அம்மை நோயால் பாதிக்கப்பட்டவர்கள் இக்கோயிலுக்குச் சென்று கோயில் வளாகத்தினுள் தங்கி அருள் பெற வேண்டிக் கொள்கின்றனர்.

வழிபாட்டு நேரம்

காலை 5 :00 AM to 11:00 AM மற்றும் மாலை 4:00 PM to 8:00

இடம்

அருள்மிகு சமயபுரம் மாரியம்மன் கோயில், சமயபுரம், திருச்சிராப்பள்ளி - 621112 (தேசிய நெடுஞ்சாலை NH-45)  

5.வெக்காளி அம்மன் கோவில்,உறையூர்

திருச்சியில் மாவட்டத்தில் மிகவும் சக்தி வாய்ந்த கோயிலாக மக்களால் வழிபட படுவது உறையூர் வெக்காளி அம்மன் கோயில்.இது காளியின் மற்றொரு வடிவம்.உறையூர் வெக்காளி அம்மன்மிகுந்த வலிமை, மன உறுதி, அமைதி மற்றும் நல்லிணக்கத்தை அளிப்பதாக நம்பப்படுகிறது.

உறையூர் வெக்காளி அம்மனின் தெய்வீக ஆன்மாவை கோயிலுக்குச் சென்றவுடன் நம்மால் உணர முடியும். வெக்காளி அம்மன் கோவிலில் உள்ள அம்மன் சன்னதி அற்புதமான தங்கம் மற்றும் வெள்ளி கட்டிடக்கலையுடன் அற்புதமான தேருடன் உள்ளது.

மேலும் ஒருவர் தங்கள் விருப்பங்களை ஒரு காகிதத்தில் எழுதி ஒரு பெட்டியில் வைக்கலாம்.மேலும் இக்கோயிலுக்கு வந்த பல பக்தர்கள் தங்கள் விருப்பங்கள் நேர்த்தி கடன் நிறைவேறி வாழ்க்கையில் மகிழிச்சியோடு வாழ்வதை பார்க்க முடியும்.

வெக்காளி அம்மனின் தெய்வீக சக்தியின் மீதான அவர்களின் நம்பிக்கை மிகவும் அதீத அளவில் காணப்படும்.

வரலாற்றின் படி, வடக்கு நோக்கி இருக்கும் இந்து கோவில்கள் தங்கள் முயற்சிகள் அனைத்திலும் வெற்றி பெறுவதாக நம்பப்படுகிறது. சோழர்கள் போர்க்களத்திற்குச் செல்லும் முன் வெக்காளி அம்மனை வணங்கினர்.

திருச்சி வெக்காளி அம்மன் கோவிலை சுற்றியுள்ள மக்கள் , தங்களின் இக்கட்டான காலங்களில் காப்பாற்றும் கடவுளாக வெக்காளி அம்மனை வழிபட்டு வருகின்றனர். கோயிலின் குறிப்பிடத்தக்க அம்சம் என்னவென்றால், கருவறைக்கு கூரை இல்லை. வடக்கு நோக்கி கம்பீரமாக அமர்ந்த நிலையில், அம்மனின் அற்புதமான அமைப்பு காணப்படுகிறது.

தேவியின் நான்கு கைகளிலும் அக்ஷய பாத்திரம், திரிசூலம், கயிறு மற்றும் உடுக்கை உள்ளது, இது வெக்காளி அம்மன் அனைத்து மக்களையும் பாதுகாக்கிறது மற்றும் அனைத்து எதிர்மறை அதிர்வுகளையும் அழிக்கிறது.

கோவில் கட்டும் போது, ​​தேவி வெக்காளி அம்மன் தோன்றி, ஒவ்வொரு மனிதனுக்கும் தங்குமிடம் இருக்கும் வரை கூரை கட்ட வேண்டாம் என்று தனது பக்தர்களிடம் கூறினார்.

வெக்காளி அம்மனின் தாக்கம் எல்லையற்றது என்பதையும் இது உணர்த்துகிறது. வாழ்க்கையில் போராட்டம் அமைதி இன்மை இருப்பவர்கள் கண்டிப்பாக ஒரு முறையாவது வெக்காளி அம்மனை தரிசித்து வர வாழ்வில் நல்ல மாற்றங்கள் நடக்கும்.

வழிபாட்டு நேரம்

காலை 6 மணி முதல் இரவு 8.30 மணி வரை    

இடம்

 வெக்காளியம்மன் ,11 கோவில் தெரு உறையூர் திருச்சி தமிழ்நாடு 620003