இந்த விலங்குகள் உங்கள் வீட்டிற்குள் வந்தால் கவனமாக இருக்க வேண்டுமாம்
ஆன்மீக ரீதியாக சகுனங்கள் என்பது மிகவும் முக்கியமாக பார்க்கக்கூடிய ஒரு விஷயமாக இருக்கிறது. அதாவது நமக்கு நடக்கக்கூடிய நன்மை தீமைகளை இந்த சகுனமானது முன்கூட்டியே நமக்கு காட்டிவிடுகிறது. அதில் முக்கியமாக சமயங்களில் நமக்கு நேரம் சரியில்லை என்றால் திடீர் என்று எதிர்பாராத விலங்குகள் நம்முடைய வீட்டிற்கு வருகை தருவதை நாம் காண முடியும்.
இவை நம்மை விழிப்புணர்வோடு இருக்கச் செய்யக்கூடிய ஒரு நிகழ்வாக தான் சாஸ்திர ரீதியாக பார்க்கிறார்கள். அப்படியாக நம்முடைய வீட்டிற்கு என்ன விலங்குகள் வந்தால் நமக்கு என்ன மாதிரியான நன்மை தீமைகள் நடக்க இருப்பதின் அறிகுறி என்று பார்க்கலாம்.
1.பாம்பு திடீரென்று நம் வீட்டுக்கு வருகிறது என்றால் பொருளாதாரத்தில் சில சிக்கல்கள் ஏற்படலாம் என்று சொல்லப்படுகிறது.
2. வெளவால் வருகிறது என்றால் குடும்பத்தில் சண்டைகளும் மன கஷ்டங்களும் உண்டாகலாம்.
3. திடீரென்று தவளை வருகிறது என்றால் குடும்பத்தில் இருக்கக்கூடியவர்களின் ஆரோக்கியத்தில் கவனமாக இருக்க வேண்டும்.
4. வீடுகளில் கரையான் புகுந்தால் பணத்தில் சிக்கனமாக இருக்க வேண்டும்.
5. குரங்கு வீட்டிற்கு வந்தால் உங்களுடைய எதிரிகள் உங்களை தாக்குவதற்கு காத்திருக்கிறார்கள் கவனமாக இருக்க வேண்டும் என்பதின் அறிகுறியாகும்.
6. மூட்டை பூச்சி வந்தால் தரித்திரம் உண்டாகும்.
7. தேள், பூராண் வந்தால் தீய சக்திகள் வீட்டில் நடமாடுகிறது என்பதின் அறிகுறி ஆகும்.
8. தேனீக்கள் உங்கள் வீட்டில் வந்தால் உங்கள் வீடுகளை சுற்றி எதிர்மறை ஆற்றல்கள் இருப்பதை குறிப்பதன் அறிகுறி ஆகும்.
9. கருப்பு நிறத்தில் பூனை வந்தால் ஆபத்து வருவதின் அறிகுறியாக இருக்கிறது.
10. ஆந்தை வந்தால் மிகவும் அபசகுனமாக ஆகும். அதேபோல் புறா வந்தால் மன கஷ்டம் உண்டாகுமாம்.
| ஆன்மீகம்/ஜோதிடம் குறித்த தகவல்களை பெற IBC பக்தி வாட்ஸ் அப் குழுவில் இணைந்து கொள்ளுங்கள். |
