அதிர்ஷ்டம் பெருக வீட்டில் இந்த ஓவியத்தை வரைந்து வையுங்கள்
நம்முடைய வீடு நமது கோயில்.அப்படியாக எவ்வளவு அழகாக நாம் பார்த்து வீடு கட்டுகின்றமோ அந்த அளவிற்கு வீட்டில் நேர்மறை எண்ணங்களுக்கும் ஆன்மீக வாசனைகளுக்கும் நாம் மெனக்கிட வேண்டும்.
அப்பொழுது தான் வீட்டில் இறைவன் அருளால் மகிழ்ச்சியாக இருக்க முடியும்.அப்படியாக நாம் இப்பொழுது வீட்டில் பின்பற்ற வேண்டிய முக்கியமான ஆன்மீக குறிப்புகள் பற்றி பார்ப்போம்.
1.வீட்டில் கண்டிப்பாக செல்வம் சேரவும் மகாலட்சுமி அருளை பெறவும் நாம் மஹாலக்ஷ்மி தாயாரின் படத்தை வைத்து வழிபாடு செய்வது உண்டு.அவ்வாறு மஹாலக்ஷ்மி அமர்ந்த நிலையில் உள்ளபடம் வைத்து வழிபடுவது சிறப்பு.மஹாலக்ஷ்மி நின்ற நிலையில் உள்ள படத்தை வைப்பது தவிர்க்க வேண்டும்.
2.கோயிலுக்கு சென்று வீடு திரும்பும் பொழுது வீட்டுக்கு வந்த உடன் கை கால்கள் கழுவது உண்டு.ஆனால் ஆலயம் சென்று வீடு திரும்பியதும் சற்று நேரம் வீட்டில் அமர்ந்து பிறகே கை கால்கள் அலம்பிக்கொள்ள வேண்டும்.ஆனால் ஒரு போதும் கோயில் சென்று வீடு திரும்பியவுடன் குளிக்க கூடாது.
3.நாம் கோயில்களில் சில வேண்டுதல் செய்ய எலுமிச்சம் பழத் தீபம் ஏற்றுவோம்.அப்படியாக அந்த எலுமிச்சை பழம் தீபத்தை கோயிலில் மட்டுமே ஏற்ற வேண்டும். வீடுகளில் ஏற்றக் கூடாது.
4.சனிபகவான் அருளை பெற நாம் கோயில்களில் சனிபகவானுக்கு உரிய எள் தீபம் ஏற்றி வழிபாடு செய்வோம்.ஆனால் சனி பகவானுக்கு வீட்டில் எள் விளக்கு ஏற்றக் கூடாது.
5.வீட்டில் நல்ல காரியங்கள் பற்றிப் பேசும் போது, எள் அல்லது எண்ணெய் பற்றிப் பேசக் கூடாது. பேசினால் சுபம் தடைபடும்.
6. திருப்பதி, திருத்தணி, பழநி, திருச்செந்தூர் போன்ற கோவில் ஸ்தலத்திற்குச் சென்றால் அங்கிருந்து நேராக அவரவர் வீட்டிற்குத்தான் செல்ல வேண்டும்.
7.புல்லாங்குழல் ஊதும் தனி கிருஷ்ணன் படம், விக்கிரகம், காலண்டர் ஆகியவற்றை வீட்டில் வைக்கக் கூடாது. பசுக்களோடு உள்ள மற்றும் ராதையுடன் கூடிய புல்லாங்குழல் ஊதும் கிருஷ்ணன் படத்தை வீட்டில் வைத்துக்கொள்ளலாம்.
8. மனிதனாக பிறந்த எல்லோருக்கும் எதிரிகள் தொல்லை இருக்கும்.அவ்வாறு ஏற்படும் பொழுது வீட்டில் சிங்கம்,புலி,கரடி ஆகிய கொடிய மிருகங்களின் பொம்மைகளை வீடுகளில் வைப்பதின் மூலம் எதிரிகளின் தொல்லை அடங்கும்.
9.அடுக்கு அரளி,செம்பருத்தி பூக்களைக் கொண்டு பூஜை செய்வதினால் ஞானம் பெருகும்.தொழில் விருத்தியடையும்.
10.அன்னாச்சிப்பழம் ஓவியத்தை உங்கள் வீட்டில் சுவற்றிலோ அல்லது தொழிலகங்களின் முன்புற அறைகளிலோ வரைந்து வைத்தால் அதிர்ஷ்டம் தேடிவரும்.
| ஆன்மீகம்/ஜோதிடம் குறித்த தகவல்களை பெற IBC பக்தி வாட்ஸ் அப் குழுவில் இணைந்து கொள்ளுங்கள். |
