இந்த அம்மனை மனதார நினைத்தாலே நாகதோஷம் விலகும்
Sakthi Raj
எந்த செயலை தொடங்கினாலும் நாகதோஷத்தால் தடைகள் ஏற்படுகிறது என்று வருத்தப்படுபவர்களா நீங்கள்.?
அப்படியானால் தென்காசி மாவட்டம் சங்கரன்கோவில் கோமதி அம்மனை சரணடையுங்கள்."கோமதி"என்று ஒருமுறை அழைத்தாலே போதும் குறைகள் அனைத்தும் தீர்ந்து போகும்.
மேலும் இத்தலத்தில் சங்கன்,பதுமன் என்னும் நாக அரசர்கள் வழிபட்டு சங்கரநாராயணனை தரிசிக்கும் பேரு பெற்றனர்.
தூய சிந்தனையுடன் இருப்பிடத்திலிருந்து இக்கோயிலை மனதால் நினைத்தாலும் நாக தோஷம் மறைந்துவிடும்.அத்தனை சக்தி வாய்ந்த கோயில்.
இத்தலத்திற்கு அருகில் உள்ள ஊற்றுமலை ஜமீன் இடம் புலவராக இருந்தவர் புளியங்குடி முத்துவீரப்ப கவிராயர்.
சீவல மாற பாண்டியன் எனும் மன்னரால் இயற்றப்பட்டு முழுமை பெறாமல் இருந்த கோவில் புராணத்தை கவிராயரே பாடி முடித்தார்.
மேலும் கோமதி அம்மனை தரிசித்த பின் எந்த மனிதரையும் பார்க்க மாட்டேன் என வரம் பெற்றார். இதனால் இமைகள் வேகமாக வளர இவரது கண்கள் மூடிக்கொண்டன.
இவர் இயற்றிய கோமதி அம்பிகை பிள்ளைத்தமிழ் பாடலை பாடினால் விருப்பங்கள் நிறைவேறும்.மேலும் நாக தோஷம் விலகும்.
தேனே வருக சீராசைத்
திருவே வருகதிரிநேத்திர
சிவசங்கரருக்கு உவகை நல்கும்
செல்வ கனியே வருக விண்ணின்
ஆனே பரவத் தவம் புரியும்
அமுதே வருக குமுதவாய்
அனமே வருக வினைஇருளை
அவிக்கும் கிரணக் கதிர் வருக
பால் நேர் மொழி பார்வதி வருக
பனி மாமலையின் சேய் வருக
பன்னாகங்கள் இரண்டும் வழிபாடு
புரியும் புன்னை வன
மானே வருக உயிர் அனைத்தும்
வளர்க்கும் அனையே வருகவே
மன்றல் கமலு மலர்க் குழல்
கோமதியே வருக வருகவே!!
ஆன்மீகம்/ஜோதிடம் குறித்த தகவல்களை பெற IBC பக்தி வாட்ஸ் அப் குழுவில் இணைந்து கொள்ளுங்கள்
