திருப்பதி ஏழுமலையான் கோவில் ஜூன் மாத தரிசன டிக்கெட்! வெளியீடு திகதி அறிவிப்பு
திருப்பதி ஏழுமலையான் கோவில் ஜூன் மாத தரிசனத்துக்கான ஓன்லைன் டிக்கெட் வெளியீடு திகதியை தேவஸ்தானம் அறிவித்துள்ளது.
300 ரூபாய் தரிசன டிக்கெட்
திருப்பதி ஏழுமலையானை வழிபடுவதற்கான ஜூன் மாத 300 ரூபாய் தரிசன டிக்கெட் வரும் 25 -ம் திகதி காலை 10 மணிக்கு ஓன்லைனில் வெளியிடப்படும் என்று திருமலை திருப்பதி தேவஸ்தானம் அறிவித்துள்ளது.
கட்டண சேவை டிக்கட்டுகள்
ஓன்லைனில் நடத்தப்படும் குலுக்கள் அடிப்படையில் ஒதுக்கீடு செய்யப்படும் கட்டண சேவை டிக்கட்டுகளை இன்று காலை 10 மணி முதல் 20 -ம் திகதி காலை 10 மணி வரை முன்பதிவு முன்பதிவு செய்யலாம் என அறிவிக்கப்பட்டுள்ளது.
இதன் பின்னர் டிக்கெட் கிடைக்க பெற்ற பக்தர்களுக்கு குறுந்தகவல் மூலம் தகவல் அனுப்பப்படும். அவர்கள் இந்த மாதம் 22 -ம் திகதி மதியம் 2 மணிக்கு கட்டணத்தை செலுத்தி டிக்கெட்டுகளை பெற்றுக் கொள்ளலாம்.
திருப்பதி ஏழுமலையான் கோவிலில் நடைபெறும் கல்யாண உற்சவம், ஊஞ்சல் சேவை, கட்டண பிரமோற்சவம், சகஸ்ர தீப அலங்கார சேவை போன்ற கட்டண சேவைகளுக்கான டிக்கெட்டுகள் வரும் 21 -ம் திகதி காலை 10 மணிக்கு வெளியிடப்படும்.
ஜேஸ்டாபிஷேகம் டிக்கெட்டுகள் வரும் 21 -ம் திகதி காலை 10 மணிக்கு ஓன்லைனில் வெளியிடப்படும்.
மேலும், கல்யாண உற்சவம், ஊஞ்சல் சேவை, கட்டண பிரம்மோற்சவம், சகஸ்ர தீபா அலங்கார சேவைகளை வீட்டில் இருந்து மெய்நிகர் அடிப்படையில் வழிபட விரும்பும் பக்தர்கள் வரும் 21 -ம் திகதி மாலை 3 மணிக்கு ஓன்லைனில் கட்டணம் செலுத்தி முன்பதிவு செய்து கொள்ளலாம்.
ஜூன் மாதத்திற்கான அங்கப்பிரதட்சன டோக்கன்கள் வரும் 23 -ம் திகதி காலை 10 மணிக்கு ஓன்லைனில் வெளியிடப்படும்.
ஸ்ரீவாணி அறக்கட்டளை தரிசன டிக்கெட் மற்றும் அறைகள் ஆகியவை வரும் 23 -ம் திகதி பகல் 11 மணிக்கு ஓன்லைனில் வெளியிடப்படும்.
திருப்பதி திருமலை ஆகிய ஊர்களில் உள்ள தேவஸ்தானத்தின் அறைகளில் ஜூன் மாதம் தங்குவதற்கு வரும் 25 -ம் திகதி மாலை 3 மணி முதல் ஓன்லைனில் முன்பதிவு செய்து கொள்ளலாம்.
தேவஸ்தானத்தின் ஸ்ரீவாரி சேவா அமைப்பின் கீழ் தன்னார்வலர்களாக பணியாற்ற விருப்பம் உள்ளவர்கள் வரும் 27- ம் திகதி காலை 11 மணிக்கு முதல் முன்பதிவு செய்து கொள்ளலாம்.
நவநீத சேவா திட்டத்தில் தன்னார்வலர்களாக பணியாற்ற விரும்புபவர்கள் அன்றைய தினம் 12 மணிக்கு முன்பதிவு செய்து கொள்ளலாம்.
