விநாயகரின் அருள் பெற இந்த நேரத்தில் விளக்கு ஏற்றுங்கள்

ஒரு மனிதனுக்கு வேலை என்பது மிக முக்கியமான ஒன்று.ஆனால் சமயங்களில் அந்த வேலையில் நிறைய தடங்கல் ஏற்பட்டு விடும்.சிலர் தொழில் செய்து கொண்டு இருப்பார்கள் ஆனால் என்ன முயற்சி செய்தலும் பெரிய அளவில் லாபம் இருக்காது.

ஒரு மனிதன் தொழில் செய்யும் பொழுது ஏற்று கொள்ளமுடியாத ஒன்று நஷ்ட.ன்இந்த நஷ்டம் ஆனது ஒருவரது மனநிலையை மிகவும் பாதித்து விடும். அப்படியாக ஒருவர் தொழிலில் முன்னேற்றம் அடைய அவர்கள் வாழ்க்கையில் ஏற்பட்ட தடங்கல் விலக செய்யவேண்டிய பரிகாரம் பற்றி பார்ப்போம்.

தடைகளை அகற்றுபவர் விநாயகர்.விநாயகரை நினைத்து வழிபட்டு எந்த ஒரு காரியம் தொடங்கினாலும் அது நிச்சயமாக வெற்றியை தரும்.அப்படியாக ஒருவருக்கு வியாபாரத்தில் ஏற்பட்ட தடைகள் விலகி வியாபாரம் முன்னேற்றம் அடைய அவர்கள் கட்டாயம் பற்றி கொள்ளவேண்டியவர் விநாயகர்.

சரஸ்வதி பூஜை அன்று மாணவர்கள் சொல்ல வேண்டிய மந்திரங்கள்

மேலும் விநாயகப்பெருமானுக்கு இந்த வழிபாட்டை தொடர்ந்து 48 நாட்கள் செய்ய வேண்டும். என்றைக்கு வேண்டுமானாலும் நாம் ஆரம்பித்துக் கொள்ளலாம். இதற்கு நாம் அருகில் இருக்கக்கூடிய விநாயகர் ஆலயத்தை தான் தேர்வு செய்து கொள்ளவேண்டும்.

இந்த வழிபாட்டிற்கு விநாயகருக்கு ஒரே ஒரு நெய் தீபம் ஏற்றி வைத்து வழிபட்டாலே போதும்.ஆனால் இதில் இருக்கக்கூடிய முக்கியமான விஷயம் என்னவென்றால் எந்த நேரத்தில் நாம் தீபம் ஏற்றி வழிபாடு செய்கிறோம் என்பதுதான்.

வியாபாரத்தில் லாபம் பெற வேண்டும் என்றால் கௌரி பஞ்சாங்கத்தில் ஒவ்வொரு நாளும் லாபம் என்று ஒரு குறிப்பிட்ட நேரம் கொடுத்து இருப்பார்கள். அந்த நேரத்தில் சென்று விநாயகருக்கு நெய் தீபம் ஏற்றி வைத்து அந்த நேரம் முழுவதும் விநாயகப் பெருமானை நாம் வழிபட்டோம் என்றால் நம்முடைய தொழிலில் எப்பேர்ப்பட்ட பிரச்சனைகள் இருந்தாலும் அந்த பிரச்சினைகள் அனைத்தையுமே தகர்த்தெறிந்து நமக்கு சிறப்பான லாபகரமான தொழிலை விநாயகப் பெருமான் அமைத்து தருவார்.

இதோடு யார் தொழில் செய்கிறார்களோ அவர்களுடைய ஜென்ம நட்சத்திரம் வரும் நாளன்று விநாயகப் பெருமானுக்கு தேங்காயில் நெய் ஊற்றி திரி போட்டு தீபம் ஏற்றி வழிபாடு செய்து வருவதன் மூலமும் அவர்களுடைய தொழிலில் இருக்கக்கூடிய அனைத்து விதமான தடைகளும் நீங்கும்.

இவ்வாறு விநாயகப்பெருமானுக்கு மனதார தீபம் ஏற்றி வழிபாடு செய்து வர கட்டாயம் தொழிலில் நல்ல மாற்றம் ஏற்படும்.