தினம் ஒரு திருவாசகம்

உணர்ந்த மாமுனிவர் உம்பரோ டொழிந்தார்

உணர்வுக்கும் தெரிவரும் பொருளே

இணங்கிலி எல்லா உயிர்கட்கும் உயிரே

எனைப் பிறப் பறுக்கும்எம் மருந்தே

திணிந்ததோர் இருளில் தெளிந்ததூ வெளியே

திருப்பெருந் துறைஉறை சிவனே

குணங்கள் தாம் இல்லா இன்பமே உன்னைப்

குறுகினேற் கினிஎன்ன குறையே!

விளக்கம்

தினம் ஒரு திருவாசகம்

கலைஞானமுடைய பெரிய முனிவர்களும் வானோரும் பிறரும் அறிய முடியாத பெரும் பொருளே, ஓப்பில்லாதவனே, எல்லா உயிருக்கும் உயிரானவனே, என்னுடைய பிறப்பை நீக்கும் அமுதமே, ஆணவ வல்லிருளை அடக்கும் தெளிவான திருவருள் வெளியே, திருப்பெருந்துறையுறை சிவனே, முக்குணத் தொடர்பில்லாத எண்கணத் தொடர்பான பேரின்பமே, உன்னையடைந்த எனக்கு இனிமேல் என்ன குறையுள்ளது?