எவ்வளவு உழைத்தாலும் இந்த ராசிக்காரர்களிடம் காசே தங்காதாம் - ஏன் தெரியுமா?
ஜோதிடத்தின் படி, சில ராசிக்காரர்கள் எவ்வளவு பணம் சம்பாதித்தாலும், அது அவர்களிடம் தங்காது. காரணம் அவர்கள் செலவழிக்கும் பாணி.
ஒவ்வொருவரும் பணத்தை சம்பாதிக்க கடினமாக உழைக்கிறோம். ஆனால் அந்த பணத்தை சேமிக்க அறிவும், செலவுக்கு கட்டுப்பாடும் இருந்தால்தான் நிஜமான நிதிநிலை உறுதி செய்ய முடியும்.
ஆனால் சில ராசிக்காரர்கள் மட்டும் தான் பணத்தை திட்டமிட்டு சேமிக்க இயலும். மற்றவர்கள், அவர்கள் சம்பாதிக்கும் அளவுக்கு அதிகமாக செலவழித்து, நாளைய தேவையை பற்றி சிந்திக்காமல் பழக்கப்பட்டிருப்பார்கள்.
அந்த வகையில் ஜோதிட ரீதியாகப் பார்க்கும்போது, பணம் தங்காத ராசிகள் எவை என்பதை இந்த பதிவில் பார்க்கலாம்.
மேஷ ராசி
ஜோதிடக் கணிப்புகளின் படி, மேஷ ராசிக்காரர்கள் பணத்தைச் சேமிக்க தெரியாதவர்கள் என சொல்லப்படுகிறார்கள். ஒரு பொருளை பார்த்தவுடனே, அது உண்மையில் தேவைப்படுகிறதா? இல்லையா? என்பதைப் பற்றியே யோசிக்காமல், உடனடியாக வாங்கி விடும் பழக்கம் இவர்களிடம் உள்ளது.
விருப்பம் வந்ததும் வாங்குவது என்பது இவர்களின் இயல்பு. அவர்கள் விரும்பும் ஒவ்வொரு பொருளையும் வாங்கும் வரை நிம்மதியாக இருக்க முடியாது.
இதன் விளைவாக, எவ்வளவு சம்பாதித்தாலும், அந்தப் பணம் நீண்ட நாள் தங்காது. பணம் குறைந்துவிட்டாலும் தீவிரமாக செலவழிக்கும் போக்கால், சேமிப்பு என்பது மேஷ ராசிக்காரர்களுக்கு ஒரு சவாலாகவே மாறுகிறது.
ஆனால், சிறு திட்டமிடல், கட்டுப்பாடு ஆகியவற்றை கடைபிடித்தால், இவர்களும் நிதிநிலையில் முன்னேறலாம்.
மிதுன ராசி
ஜோதிடக் கணிப்புகளின் படி, மிதுன ராசிக்காரர்கள் பணம் வருகிறதோ இல்லையோ, செலவழிப்பதில் எந்த தயக்கமும் இல்லாதவர்கள்.
குறிப்பாக, புதிய தொழில்நுட்ப சாதனங்கள், ஃபேஷன் பொருட்கள், மற்றவர்களுக்கு இன்னும் தெரியாத புதிய டிரெண்ட்கள் இவை வந்ததும், உடனே வாங்க வேண்டும் என்ற ஆவல் இவர்களுக்கு இருக்கும்.
அந்த பொருள் உபயோகமாக இருக்கிறதா? தேவையா? என்பதைக் கூட யோசிக்காமல், வாங்கிவிட்டு பின் அதைப் பற்றிதான் சிந்திப்பார்கள். இதனால், இவர்கள் எவ்வளவு சம்பாதித்தாலும், பண நிர்வாகக் கட்டுப்பாடு இல்லாததால், சேமிக்க முடியாமல் போய்விடும்.
சிம்ம ராசி
ஜோதிடக் கணிப்புகளின்படி, சிம்ம ராசிக்காரர்கள் பணத்தை ஆடம்பர வாழ்க்கைக்கு அதிகம் செலவழிப்பவர்கள். சொகுசு கார்கள், விலையுயர்ந்த நகைகள், பிரீமியம் பிராண்டுகள் இவை மீது இவர்களுக்கு தீராத ஈர்ப்பு.
அவர்களது வாழ்க்கை வெளியே பிரபஞ்சமாக, மெருகாக இருக்க வேண்டும் என்பதே இவர்களின் நோக்கம். ஆனால், இதே பழக்கம் தான் சேமிப்பு பழக்கத்தைப் பெரிதும் பாதிக்கிறது. அவர்கள் எவ்வளவு சம்பாதித்தாலும், அந்த பணம் ஒரே மாதிரியான பாசாங்கு செலவுகளில் வேகமாக ஓடிவிடும்.
நிலையான நிதிநிலை உருவாக்க இவர்களுக்கு திட்டமிடல், செலவு கட்டுப்பாடு ஆகியவை மிகவும் தேவை. பணத்தை வெறும் பதட்டத்திற்கு அல்ல, பாதுகாப்புக்கு சேமிக்கத் தொடங்கினால், சிம்ம ராசிக்காரர்களின் வாழ்க்கை மேலும் வலுவாகும்.
தனுசு ராசி
ஜோதிடக் கணிப்புகளின்படி, தனுசு ராசிக்காரர்கள் பணம் செலவழிப்பதில் கட்டுப்பாடின்றி பழக்கப்பட்டவர்களாக இருக்கிறார்கள். எதையாவது வாங்க வேண்டும் என்ற உணர்ச்சி ஆதாரமான முடிவுகள், இவர்களிடம் சாதாரண விஷயமாக உள்ளது.
“சிறிய செலவுதானே” என எண்ணிக்கொண்டே, பல தேவையற்ற பொருட்களுக்கு பணத்தை வீணாக செலவழிக்கின்றனர். அந்தச் சிறு செலவுகள் சேரும் போது, பெரும் சுமையாக மாறுகிறது.
இவர்களிடம் தொழில் அறிவும், வாய்ப்புகளும் இருப்பினும், செலவினக் கட்டுப்பாடு இல்லாததால், சேமிக்க முடியாமல் போகிறது. இது நீண்டகால நிதி நிலைத்தன்மையை பாதிக்கும்.
| ஆன்மீகம்/ஜோதிடம் குறித்த தகவல்களை பெற IBC பக்தி வாட்ஸ் அப் குழுவில் இணைந்து கொள்ளுங்கள். |
