உண்மையான ருத்ராட்சத்தை கண்டுபிடிப்பது எப்படி?

ருத்ராட்சம் என்பது சிவபெருமானின் கண்களில் இருந்து வரும் கண்ணீர் என்று நம்பப்படுகிறது. எனவே இது மிகவும் ஆன்மீக முக்கியத்துவம் வாய்ந்தது.

சிவபெருமானின் பக்தர்கள் ருத்ராட்சத்தை அணிந்து தங்கள் வழிபாட்டில் பயன்படுத்துகின்றனர். குறிப்பாக சிவபெருமானின் ஆசீர்வாதமாக மக்கள் அதை கழுத்தில் அணிவார்கள்.

ருத்ராட்சம் உடலுக்கு பாதுகாப்பு கவசமாக செயல்படுகிறது. இதன் காரணமாக, ஒரு நபர் மன ரீதியாகவும், உடல் ரீதியாகவும் எல்லா வகையிலும் ஆரோக்கியமாக இருக்கிறார்.

இந்த தகவல் அறிந்த பலரும் ருத்ராட்சத்தை அணிந்துக்கொண்டு இருக்கிறார்கள். இது பெரும்பாலும் கடைகளில் தான் வாங்கப்படுகிறது.

அதன் தேவை அதிகரித்து வருவதைப் பயன்படுத்தி, பலர் சந்தையில் போலி ருத்ராட்சத்தை விற்கத் தொடங்கியுள்ளனர்.

போலி ருத்ராட்சத்தை வாங்காமல் உண்மையான ருத்ராட்சத்தை எப்படி வாங்கலாம் என்பது குறித்து பார்க்கலாம்.

உண்மையான ருத்ராட்சத்தை கண்டுப்பிடிப்பது எப்படி?

ருத்ராட்சத்தை அணியும் போது, அதன் தூய்மை மற்றும் அசல் தன்மையை உறுதி செய்வது மிகவும் முக்கியம்.

உண்மையான ருத்ராட்சத்தை கடுகு எண்ணெயில் போட்டால் அதன் நிறம் போகாது. அதேசமயம், ஒரு போலி ருத்ராட்சம் நிறமற்றதாகிறது.

உண்மையான ருத்ராட்சம் தண்ணீரில் போடப்படும் போது மூழ்கும் அதேசமயம் போலி ருத்ராட்சம் தண்ணீரில் மிதக்கும்.

உண்மையான ருத்ராட்சத்தை கூர்மையான பொருட்களால் கீறும்போது, அதிலிருந்து இழைகள் வெளிப்படும்.