தினம் ஒரு திருவாசகம்

போகம் வேண்டி வேண்டி லேன்பு

ரந்த ராதி இன்பமும்

ஏக நின்க ழலிணைய

லாதி லேனென் எம்பிரான்

ஆகம் விண்டு கம்பம் வந்து

குஞ்சி அஞ்ச லிக்கணே

ஆக என்கை கண்கள் தாரை

ஆற தாக ஐயனே.

விளக்கம்

இந்திரன் முதிலியோர் பதங்களில் பெறும் இன்பமும் நிலையாதனவே ஆதலால், 'வேண்டிலேன் புரந்தராதி இன்பமும்' என்றார். 'கொள்ளேன் புரந்தரன் மாலயன் வாழ்வு' என்று முன்னரும் கூறினார்.

ஆகம் விள்ளல் முதலியன அன்பர்பாற்காணப்படும் மெய்ப்பாடுகளாம். குஞ்சி - குடுமி. இங்கு அதனையுடைய தலைக்காயிற்று.

தினம் ஒரு திருவாசகம்

இதனால், முன்னைத் தவமிகுதியால் இறைவன் திருவடியில் அன்பு உண்டாகப்பெற்றவர், அந்த அன்பினை மேலும் பெருக்கிக்கொள்ளுதல் வேண்டும் என்பது கூறப்பட்டது.